تكرار الأحداث
ساعات كتيرة بتتكرر معانا نفس الاحداث مع اختلاف الاشخاص والأوقات لكن السيناريو متشابه بنوته تقول عمري ماحتجوز شخص بالمواصفات ده وتلاقي كل المتقدمين بنفس المواصفات واحد يعاني من مشاكل في شغله ولو راح لشغل تاني تتكرر نفس الاحداث واحده مضايقه من صحباتها وتقرر تبعد عنهم ولما تروح لغيرهم تلاقيهم شبه اللي قبلهم ازاي ده بيحصل؟ والاهم ازاي نوقفه؟ فيه قانون كوني بيقول ( ماتركز عليه يزداد ويتسع من نفس الشئ وماتقاومه يزداد اكتر ) وعشان ميتكررش معاك تاني قلل تركيزك عليه وبلاش تقاومه ازاي؟؟ كل اللي عليك نضف اول بأول اللي جواك .. متنكرهوش بالعكس واجهه واتفاهم معاك من غير لا خناق ولا تجاهل اتصالح مع نفسك وخليك چنتل مع مشاعرك ومع الوقت حيادي مع مشاعرك ومش حتسيطر عليك ولا حيتكرر الموقف تاني لكن طول ماجواك مشاعر خوف .. كره .. ضيق .. احساس بالغدر .. إلخ طول ماحيتكرر نفس السيناريو تاني ف حياتك #سماء_كمال #المشاعر