Bibliotherapy ... العلاج بالقراءة ..
Bibliotherapy ... العلاج بالقراءة
نعم الكتاب اوفي صديق .. كتير منا بيعشآ القراءه ... ضعف نظرهم ولبسوا نضارات .. لكن متخلوش يوم عن كتابهم .. انا واحده من الناس ده ... جوايا حماس اني اساعد غيري ع تجاوز ازماتهم ــ في حدود ما قرآت ــ لذلك قررت تقاسم المعرفة والكتب التي وجدتها مفيده ف التغلب على مشاكلنا .. كنوع من العلاج بالقراءة .. وده كانت فكرة الجروب .. ومننساش ...
(... والله في عون العبد ما دام العبد في عون اخيه).
(... والله في عون العبد ما دام العبد في عون اخيه).
الحلقة الاولى:
كتير منا بيعشآ القراءه ... ضعف نظرهم ولبسوا نضارات .. لكن متخلوش يوم عن كتابهم .. لدرجه انهم اعتبروه اوفي صديق .. انا واحده من الناس ده
ومن قريب سمعت عن حاجه اسمها البيبليوثربي .. وحنعرف يعني ايه معناها بعد شويه .. وعجبتني ترجمة جوجل .. المعالجه بالكتب ...
تعالوا بآه نبدء الحكاية:
Bibliotherapy
يعني ايه؟؟
يعني العلاج بالقراءه .. اي استخدام مواد قرائية تساعد علي العلاج والتوجيه إلى حل المشاكل الشخصية.. خاصه في الطب النفسي.
وكتير من الدكاتره النفسيين ف اوروبا والدول المتقدمه بيوصفوها للمرضي ..
وبما ان كتير منا بيحب المعلومه ع الجاهز .. وبيمل انه يمسك كتاب من الجلده للجلده .. اذن هيواااي نوت لو كل واحد منا يكتب تجربته عن كتاب قرأه واستفاد منه او موضوع علّم عليه بشكل ايجابي ..
وبما انني كآي انسان في الدنيا كلها بتمر بـحالات
up & down
واد ايه الست المصريه مطلوب منها تكون بميت راجل .. وعليها ضغوط واعباء نفسية .. وانها عمود اساسي في نجاح حياة مستقرة .. ان مكنتش مجموعه اعمدة داخله ف بعضها
فقررت بما اني مدمنه للقراءه في هذه الموضوعات … اني اشارك اصدقائي بأي حاجه وجدت لها تآثير ايجابي وانقذتني من حالات ال Down او ع الاقل ساعدتني اني مطولش فيها
يمكن يكون كلام متكرر … وموجود ع النت منه كتير .. لكن كتر التكرار بيعلم الشطار
وانا كـ سما نفسي عنيده ومش بتستجيب الا بكتر الزن والحمدلله رب العالمين مش بطول كتير في ال Down
اكيد طبعاً مش متخصصه … كان نفسي جدا اطلع دكتوره بس منه لله مكتب النتسيق :D
بس فيها ايه لما نسمع لبعض ونتبادل الخبرات .. وع راي اللي قال اسأل مجرب ولا تسآلش طبيب
هو مش كلنا بنجري ع وصفات رجيم يكون حد غيرنا مشي عليها وربنا نفخ ف صورته .. اذن فلنعتبرها كأنها وصفه رجيم لضبط التوون … جربناها وساعدتنا ف التخلص من شويه نيجاتيف ع كرش كآبه
واول حاجه حشاركم بيها .. موضوع منغص عليّه حياتي .. وكل مشاكلنا بتنبع منه .. حاجه كده سبحان الله ممكن تطلعنا لسابع سما .. او تنزلنا لسابع ارض …
ياما ناس اتمنت وانا اولهم يكون لها زرار اون واوف
هو يبان غلبان .. لاواعي ... لا شعوري .. الا ان كيده عظيم .. بس فعلا هو غلبان .. كل الحكايه اننا مع زحمه الحياه ضاع منا كتالوجه
يطلع مين ده اللي منغص علينا حياتنا ومخلينا اسري لمشاكلنا ومشاعرنا .. وفين كتالوجه ؟؟؟؟
انتظرواا زٌبد قراءاتي :)
تعليقات
إرسال تعليق