لحظة وعي

كم مرة مريت بأحداث جميلة وانشغلت عنها .. مأخدتش بالك منها الا لما راحت ؟؟

وكم مرة اسودت الدنيا حواليك وتخيلت انها النهاية .. وعدت ؟؟

حياتنا عبارة عن تايم لاين .. شريط بيمر ادامنا .. مليان بإبتلاءات .. سعيدة وحزينة .. وكله بيمر .. الحلو والمر .. فلما يقابلك حاجة حلوة .. متتلهيش عنها .. انتبه .. ركز وعيشها بوعي .. اشكر وامتن .. افرح مهما كانت بسيطة .. متحطش شروط ولا تنتظر حدث بعينه .. افرح ولو بالقليل .. لانها حتمر وتختفي .. زي اللي قبلها ..

ولما يصيبك ابتلاء مؤلم .. تذكر انه برده وقت وحيعدي .. زي اللي فات وعدى ..

التايم لاين مش ثابت على حال .. فعيشه زي مايطلب .. وقت وحيعدي ..

بكده حتكون عشت الحياة .. بحلوها ومرها .. وكله بيعدي

#تايم_لاين #امتن #لحظة_وعي