Challenge Accepted come back again!!

صباح الخيرات :)

ازيكم .. وازي اهدافكم وتحدياتكم .. غياب كام شهر لاسباب قهرية .. كنت بشطب ع التحدي بتاعي .. وبستعيد طاقتي من تاني .. والحمدلله عدنا من جديد .. 

و لاننا كلنا كونكتت .. وكلنا رسايل وعلامات لبعض .. فرحعنا قبل السنة ماتخلص بقصص نجاح ودروس وهبات ..

من فتره بدءت معاكم سلسلة نيو لايف او شالنج أكسبتد 

https://www.facebook.com/pg/TR.Samaa.Kamal/photos/?tab=album&album_id=2576662352408149

اتكملنا فيها عن التحديات وان الحياة خليط مابين احداث طيبة واحداث محزنة .. تحديات بتواجهنا ف حياتنا .. أهداف او ابتلاءات .. وازاي نتعامل معاها .. وانتهينا بأن كل واحد يحدد هدفه اللي نفسه يحققه او ابتلاءه اللي بيمر بيه ويضعه امامه كشالنج ويبدء التحدي بعزم وقوة .. ولو تفتكروا حفظنا حق كل واحد في كتمان او اعلان هدفه

وانا بالفعل كنت في تحدي .. وكتير منكم شاركني تحدياته

بفضل الله وحوله وقوته انا انهيت التحدي الخاص بي في يوليو السابق .. وفي اغسطس قفلت الفيسبوك .. حسيت اني محتاجه لعزله اتفكّر في اللي فات .. استرجع العبرة والنجاحات والاخفاقات .. ادرس فيها نفسي بقوتها وضعفها .. تقريباً عدت سنة من عمري .. الا تحتاج مني وقفه ودراسة؟؟ 

تجربتي مع الشالنج الخاص بي لا يكفيني فيها شهور للتحدث عنها .. تجربة مليئة بالدورس والعظة .. مفاجأت واكتشافات .. هدايا وهبات من الله عز وجل غسلت روحي وغيرت وجهتي وقناعاتي لحاجات كتيرة حولي

الحقيقة انا مازلت محتاجه لعزله .. ولكن لان فيه ناس جميلة بعتتلي وقالت كلام اكبر من اني استحقه ..  وفرحتني بنجاحات كبيرة تمت في حياتهم خلال الفترة اللي فاتت .. حسيت انها رسالة من الله عز وجل .. لاستئناف ما بدءته .. فقررت العودة على خفيف .. وانزلكم القصص (حسب رغبة اصحابها طبعاً)

بفرح جدا لما بعرف ان كلامنا وتجاربنا مع بعض آثر ف حد وغير ف حياته وحقق بها نجاح او تقدم .. 

احنا متصلين ببعض .. وللكلمة قوة وطاقة .. طول ماهي جوانا بتكون فاقدة سحرها .. لما بتخرج بتستمد قوتها وتصل للغير وترجعلنا أقوى .. 

وعشان كده .. رجعت من تاني ..

انتظروني مع قصة نجاح وصلت للعالمية :)