كيفيية التعامل مع الأفكار؟؟

لما بتهجم عليك #أفكار بتتعامل معاه ب لماذا ام كيف؟؟؟
#تكنيك فعال جداً اتعلمته في كيفية التحكم في الأفكار الكتيرة المزعجة اللي بتنغص علينا يومنا .. وبتسبب لنا صداع وأرق ..

فيه طريقتين للتعامل مع الافكار ده ..
١-النوع الاول #لماذا ؟؟ #Why؟؟ ليه؟؟
والطريق ده الغالبيه العظمى بيقع فيه :(
قاعد في حالي ودماغي بدأت تشتغل .. وتبدء الأسئلة بيني وبين نفسي:
هو انا ليه كده؟؟ ليه حزين او ارفان او مضايق؟؟ ليه بيحصلي كده؟؟ ليه احوالي المادية بايظة؟؟ ليه صداقاتي كلها متعبه؟؟ ليه جوزي بالشكل ده؟؟ وليه مراتي عامله كده؟؟ وليه العيال سلوكهم كده؟؟ ليه فلان بيعاملني كده؟؟ ليه شخصيتي كده؟؟
ده اسمه تفاعل مع الافكار واللي بيسبب مشاعر سلبيه بتاخدك لدايرة مغلقة وتفضل تلف وتدرو .. ويتحول مثلا الضيق لارف والارف لزهأ والزهأ لحزن والحزن لهم والهم لاكتئاب .. إلخ وهكذا مع اي فكره
مشاعر شغاله بسبب فكرة .. والنتيجة من سئ لأسوأ

٢-النوع التاني #كيف؟؟ #How؟؟ ازاي؟؟
وده التكنيك الصح الفعّال :)
اول ماتهجم عليك الافكار .. تجيب ورقه وقلم .. وتحول افكارك لأسئلة تبدء ب كيف او ازاي؟؟ازاي اكون مبسوط ؟؟ ازاي جوزي يبطل الاسلوب ده؟؟ ازاي سلوك الاولاد يبقى افضل؟؟ ازاي اطور من نفسي؟؟ ازاي اتعامل مع الحالة المرضية اللي عندي؟؟ ازاي اتعامل مع اصدقائي وعلاقاتي اللي بتسبب لي توتر ؟؟ ازاي اطور من نفسي؟؟ ازاي اغير السلوك ده في ابني؟؟ ازاي اتعامل مع الفشل ده؟؟ 

انت هنا بتقطع حبل الافكار السلبي والمشاعر التفاعليه اللي حتنتج عنها .. المشكلة حصلت خلاص يبقى لماذا وليه معدش لهم فايده ..

لكن بـ كيف وازاي .. انت كده انتقلت على موجة الاجابات والحلول .. بتفعل طاقات وافكار تساعدك في حل المشكلة .. حتلاقيك بتتناقش مع نفسك .. حيظهرلك حلول وطرق للتعامل مع الحالة ..لطريقة ده بتعمل نقلة في الوعي والادراك .. جربوها والاجابات اللي تظهر سجلوها واحتفظوا بها في نوته ع الموبيل او الجيب .. وابدءوا بتطبيقها .. حيظهر لكم مدى كفاءتها او الاحتياج لتعديلها .. وهكذا .. بكده انت شبكت على الطريق الصح :)

يومكم جميل :)