كارت هدية .. Gift Card

فكرة جاتلي بعد بوست #نفوس_عفيفه .. 

#كارت_الهدايا .. gift–card

زي ماقولت ان اهالينا زمان كانوا اكتر مصداقية وطبيعتهم اكتر شفافيه في تبادل الهدايا والمجاملات ومساندة بعض .. رغم بساطتهم وبساطة العيشة وقتها .. ايام كوفرتينا مش باتشي :)

مكنش ليهم في المنظرة اللي احنا عايشين فيها الان .. شكولاته براندات وبوكيهات ورد بالشئ الفلاني او هدايا بمبالغ لكنها قد تكون غير مناسبه للطرف التاني .. يقبلها بخجل ويحاول يتصرف فيها بنص التمن 

كلنا نوايانا جميله ونشكر على اداء الواجب .. ولكن ليه منرجعش تاني نفكر صح بما يفيد الطرف التاني .. لان اكيد نيتي اني ابسطه او اشيل عنه عبء نفسي او مادي

في الرياض كان عندنا حاجه اسمها كارت هدية بنلاقيه في معظم الاماكن زي مكتبه جرير او هايبر وكارفور وغيرهم gift card 

انا معرفش ده موجود في مصر او لا .. بس اعتقد شفته ف كارفور مصر

تعالو ننشر الفكرة ده في مجاملاتنا .. تعالو نعيش عمليين نعين بعض صح

يعني ممكن البعض يتقبل مبلغ في ظرف ويبقى ده احسن له كتير

وممكن حد تاني يشوف الفكرة ده اشيك وارقى ويتقبلها اكتر من الظرف

على حسب المناسبه والشخصية والتقبل .. عايزين نفرحه ونعينه من غير احراج او تهدير

في مصر عندنا #كارفور .. #هايبر .. #سبينز .. #المرشدي .. #رنين …. إلخ

دورنا كـ ناس متحضرين ننشر الفكرة ده في كل مكان نشوفه مناسب للتعامل ده .. 

ننشر فكرة #كارت_هدية او #gift–card

وف علبه شيك نحط الكارت ده بالقيمة اللي تناسبنا ومعاه شيكولاتايه آو وردة وكلمة تسر القلب :)

بس كده .. ايه رأيكم؟؟؟