What you Resist Persists

يعني ماتقاومه يزداد ويبقى .. وحتدخل في معاناه من كتر ماحتشوف زيه كتير في حياتك .. وحتستغرب انه ازاي اكون بقاومه ومش قابله ويظهرلي ويزداد .. للاسف ده اللي بيحصل .. مش زمان اجدادنا قالو "اللي يخاف من العفريت يطلعله" ؟؟

ارجع بذاكرتك لورا شويه .. حتلاقيك قابلت نماذج كتير كده .. صفات بضايقك او رافضها 

سلوك بتكره يطلعلك في حد بتحبه .. ابنك .. زوجك .. طبع رخم ديما كنت بتتجنب تعمله وقلقان منه يظهرلك في طريقك

اشمعنى انا اللي بيحصل معايا كده مع اني مش كده؟؟

في علوم الطاقة يطلق عليه " #قانون_المقاومة " .. احداث كثيره بتكون رافضها لكن بتظهر ف حياتك .. مع انك مستقيم وماشي جمب الحيط .. لكن حتلاقي الهيستوري اللاواعي بتاعك مليان ملفات شبيهه .. بتنطلق تبحث عن امثالها

ف تبقى لسه مخلص علاقة زي الزفت .. ومضبط نفسك وواخد بالك .. لكن تقع في ازفت منها :)

والحل؟؟

جلسه هاديه مع نفسك .. اسأل نفسك عن الصفات او الطباع او السلوك اللي بترفضه او مش بتحبه وديماً بيتكرر في واقعك وعلاقاتك وحياتك؟؟

حددتها؟؟

اولا تتقبل ان الحالات ده موجوده حوالينا .. مجرد تقبلك بوجودها انت كده بدءت تحرر نفسك وعقلك الباطن من تعلقك بيها .. بعد التقبل ابعد عنها من غير اذيه ولا اهانات .. انفصال بشياكه .. لانك حر في اختيار علاقاتك ومش مجبر على علاقة متعبه او غير مرضيه

طب لو مجبر على العلاقة ؟؟

يبقى تعمل #mindblock

يعني ايه؟؟ 

تفصل #الطاقة .. حاضر جسدياً غايب ذهنياً .. تقضي الوقت وانت مغيب ذهنك .. فاصل الكوبس .. يعني متسمعش بتفاعل .. خلي عقلك ف حته تانيه .. #استغفار .. #افكار .. تخطط .. إلخ 

المهم جسدياً موجود .. لكن ذهنياً في #اللالالاند :)