التمرين السادس: انا اااااااالمتحدث الرسمي لذاااتي

الحلقة التاسعة:

التمرين السادس: انا اااااااالمتحدث الرسمي لذاااتي 

كيفيه التغلب علي الحديث النيجاتيف داخل رآسك .. كيف تكون المتحدث الرسمي لذاتك :

التمرين ده مش من عند رواندا بايرن .. هو كولكشن من القراءات المختلفة .. وايكارت تول ابدع فيه الحقيقه .. وبعد مانزلتكم الفيديو بتاعه .. 

https://www.facebook.com/video.php?v=754625291278540&set=vb.745918725482530&type=2&theater

تعالوا نرغي شوية سواااا .. حبه فضفضه 

فاكرين كم مره حسينا بالاحباط او الافكار السيئة اتجمعت وشلّت تفكيرنا وسودت بكره 

طيب ممكن تيجي ع نفسك وتحاول ترجع بذاكرتك وتفتكر مشاعرك وقتها كانت عامله ازاي .. 

الدنيا سودا .. كل الافكار محبطه .. معندكش اي امل ف بكره .. غايب عن كل حاجه حواليك بتفكرك بآي حاجه كويسه .. اصم لاي نداء لاي بصيص امل …

طلعنا غلّنا ف الاكل .. او انسدت نفسك عن الاكل خالص .. او ساعات بنطلعه علي عيالنا .. او اهلك .. اصحابك .. الراجل الغلبان اللي قابلتيه واتعفرتي عليه من غير سبب .. سواق الليموزين .. بائع السوبر ماركت .. الخ 

طب بلاش كده .. يمكن تكوني مش فاكره الحاجات ده .. او جايز تكوني مش قادره تتخيلي نفسك انك كنتي كده .. 

طيب فاكره لما اتعمل فيكي موقف شبه كده .. كنتي الضحيه يعني .. حد اتعفرت عليكي .. امك .. صاحبتك .. زوجك .. او حتي اولادك .. رئيسك ف العمل .. او زمايلك .. 

فاكره شعورك كان عامل ازاي وقتها .. حزنتي جداً .. اتكسفتي .. ويمكن آتآثرتي ونزلت دموعك 

اذن سواء كنتي فعل وعملتي ف غيرك كده .. او رد فعل واتعمل فيكي كده .. فهو ف الحالتين شعور سخيف .. حاله من الآلم والحزن 

المهم ادركنا ده بعقلنا الحاضر الواعي .. لان ده اول طرق العلاج .. من هنا حناخد الدريكسيون من عقلنا الباطن ونبدء السيطره واعاده البرمجه .. مش حنكون فريسه له ولا حننجرف تحته .. 

من هنا حنعكس الحوار .. حقوله ده شعور كاذب .. مخادع .. امور تافهه مفيش منها اي فايده ولا حتوصل لاي نتيجه .. مشاعر سلبيه وبس بدون هدف 

اذن ايه الحل ؟؟؟

الحل هو اللي اتكلم عليه كتير من علماء النفس ونزلتهلكم فيديو ل د/ايكارت تول .. اتكلم فيه عن انه ابسط الاشياء للعدم الدخول ف هذا الشعور .. هو الحضور في الان بعقلك الواعي .. الحوار اللي قام به عقلك الواعي فوق من شويه هو حضور ف الان … واول مااصبحت مدرك للان .. ابدء بعمل بجذب انتباهك لشئ تاني يساعدك ع الاستمرار ف الحضور .. مثلاً:

تمارين التنفس .. خد نفس عميق وخرجه بالراحه .. عيش مع النفس ده .. حس انك بتتنفس .. استمر هكذا عشر دقايق او اكثر .. استشعره بكل حواسك .. خليه يمر جواك .. اثناء كده بص حواليك ف اي اتجاه .. تآمله .. تمعن النظر فيه .. ورد .. او اوبن اير .. تابلوه جمبك .. صور حواليك .. استشعر الجمال والتفاصيل والامعان ف كل حاجه حواليك

لما تركز ع استخدام انتباهك لاشياء تانيه حواليك .. ده حيساعدك لعمل توقيف للتفكير النيجاتيف وكل افكاره ..

حتي ان من وقت لاخر وقعت تاني فريسه لعقلك الباطن .. استمر واستمر .. لحد ماتخرج لشعور اللحظه الحاضره .. متنسوش اصعب شئ هو اعاده برمجه لعادات اتحفرت جوانا سنين طويله .. بس بالتكرار حتتغير غصب عنا وغصب عنها … متنسوش الكام تمرين دول لحضورك ف الآن: 

التنفس .. الفيلينج الداخلي .. الادراك الحسي

وان شاء الله حيجي اليوم اللي حنقول فيه .. 

اناااا المتحدث الرسمي لذااااااتي