قانون التجلّي .. Law of Manifestation PART-1

مساااااكم سكر :)
النهاده مش جايبلكم تدريب جديد .... ولكن موضوع شيق وجميل جداً ... سنن وقوانين متحكمه ف كل حياتنا ... سنن كونيه كتيره .. بس حنركز المراده ع سنّه واحده .. وعلاقتها بحياتنا وبقانون الجذب وفقاً لتعاليم دينا الكريم .. 

تعالوا نبدء بسم الله :)

السنن الكونيه: هي قانون الله العادل في الارض ... قوانين تحكم حياتنا .. خُلقت من اجلنا .. ساريه سواء استخدمتها لصالحك ام تجاهلتها .. مستمره من قبلك ومن بعدك وعلي كل اصناف البشر … علي المؤمن وعلي الكافر … اغفالك عنها مش حيغير ف الامر شئ
سنن تستطيع ان تستقطبها وتحصل علي اقصي درجات السعاده
وايضاً تسطيع ان تستقطب بها اقصي درجات الاحباط وخيبات الامل
سنن كونيه ربانيه ليس لها تبديل .. 

قال تعالي:
“سُنَّةَ اللهِ فِي الَّذِينَ خَلَوْا مِنْ قَبْلُ وَلَنْ تَجِدَ لِسُنَّةِ اللهِ تَبْدِيلاً” الاحزاب: ٦٢
لها اربعه خصائص:
الربانيه .. العموم … الثبات .. الاطراد١-ربانيه المصدر: اي انها من الله عز وجل خلقاً وايجاداً وتقديراً

٢-العموم: تسري علي كل المخلوقات بكافه الاجناس والاديان … مفيش محاباه ولا استثناءات .. (لَّيْسَ بِأَمَانِيِّكُمْ وَلا أَمَانِيِّ أَهْلِ الْكِتَابِ مَن يَعْمَلْ سُوءاً يُجْزَ بِهِ وَلاَ يَجِدْ لَهُ مِن دُونِ اللّهِ وَلِيّاً وَلاَ نَصِيراً) النساء: 123

٣-الثبات والاستمراريه لا تتبدل ولا تتغير عبر الازمان والحضارات

“فَلَن تَجِدَ لِسُنَّتِ اللَّهِ تَبْدِيلاً وَلَن تَجِدَ لِسُنَّتِ اللَّهِ تَحْوِيلاً” فاطر:٤٣
٤-الاطراد: اي التكرار والتتابع بطريقة واحدة .. اذا توافرت الشروط تحققت السنّة

السنّة اللي حنتكلم عنها النهارده .. هي اكتر واحده شغلتني الايام اللي فاتت لاني حسيت اننا كلنا محتاجين نفهمها ونستفيد منها .. سر سعاده ناس وتعاسه ناس ...

هي سنة التجلي او التحقق … manifestation 

وكثير من العلماء الاجانب وعلماء المسلمين تحدثوا عنها .. وهذا مخلص مما قرآته :
“ما انت عليه الان هو نتيجه كل افكارك”

What you are today is the result of all your thoughts” “ Confucius

I will attracted to my life what I am
فالقدر موكل بالمنطق .. يعني انت جذبت لحياتك كل ماهو موجود بحياتك
“قل هو من عند أنفسكم” آل عمران ١٦٥
اذن التجلي .. هو تفعيلك للفكرة وظهورها لك حقيقة عن طريق طرق معينة

هو ده قانون التجلّي .. لو فهمناه كويس حنفهم اننا احنا اللي بنجلب مانريده .. حنوقف الاشياء السيئه التي نجلبها لانفسنا بدون ان ندرك اننا السبب ..

وبدل مانرمي اللوم ع اشياء اخرى .. خلونا نفهم سنّه التجلّي ماشيه ازاي

كم مره فكرنا ف حاجات وحصلت بالضبط .. سواء كانت حلوه او وحشه …

امنيات كنت حاسس بيها اوي اوي انها حتحصل .. وحصلت

اي فكره تخطر ف بالك .. علي قدر ايمانك بيها وتركيزك عليها حتلاقيك بتسعي نحو الطريق اللي يحولها لطاقه .. والتي بدورها تتجلي حقيقة .. تراها بعينيك ..

اي حقيقه ملموسه دلوقتي ف العالم كانت مجرد فكره لانسان زيّ زيك .. امتزجت بمشاعر .. اكسبتها طاقه .. حتي اصبحت متجلّيه حقيقة ... عرف يطبق قانون التجلّي

والافكار لها نوعين من: افكار سريعه التجلّي او التحقق .. واخري بطيئه التجلّي

مع ان القانون موجود مع كل الافكار .. بس ع حسب  درجه رؤيتك لها وايمانك بها .. بيختلف الوقت ف تجلّيها ادامك حقيقة

فاكرين كم الحكايات اللي حكيناه ف بوست القصص الناجحه .. فاكرين كم مره اتقفلت ادامنا الطرق وقولنا ليس لها من دون الله كاشفه..
كم مره لجآنا بكامل طاقتنا وتحدينا المنطق وكلام العقل وكل اللي حوالينا وقولنا ياااااااارب بطاقه ايمانيه ايجابيه ليس لها مثيل .. وانكشفت الغمّه واتحققت المعجزه ..

تعالوا نفتكر كم موقف مر علينا وحسينا جداً بمعني بالايه ده:
“امّن يجيب المضطر اذا دعاه”

مين فينا اتحققت ف حياته الايه ده ف التو واللحظه .. مين فينا كان ف عز اضطراره او مصيبته دعا ربنا بالشئ وسبحانه قال للشئ كن ف كان واستجاب له فورا

بعض العلماء فسروها من خلال قانون التجلي .. وتوصلوا للاتي:

انه ف حاله الاضطرار .. يكون الانسان ف قمه حالاته الايجابيه .. قمه اصراره ع الشئ .. قمه توضيحه للشئ الذي يريده .. الشئ اللي كنت عايزاه كان ف اللحظه ده واضح متجلّي ادامي .. مفيش وقت لاي احباطات او افكار سلبيه ..

وعلي قدر مااصبحت واضحه .. علي قدر ماسُخر الكون كله لتنفيذ هذا الشئ بآمر الله جلا شآنه ..
فالطاقه الايجابيه اللي وصلتلها ف اللحظه ده بتتجلي ف صوره مليانه عزيمه واصرار و ترجعلك باليقين وهو تحقق الشئ بإذن الله
فهذه سنت الله ف الارض .. عادله لا تحابي احد .. حتي لو جاء به بوذي او من لا ملّه له
فيه افكار بتاخد ايام .. وغيرها بياخد شهور .. وساعات ممكن سنين ..
بيعتمد علي طاقتك ف التركيز .. فماتريده ركز عليه .. يتجلي لك

if my mind can conceive and my heart feel it i know I can chief it

كل مااستوعبه عقلك .. واستشعره قلبك .. يمكن تحقيقه

فكروا كم من المرات استخدمنا هذه السنّه بدون ان تدري ؟؟
كم مرة تجلّت لنا الامنيات حقيقة ملموسه وافتكر انت عملت ايه ساعتها خلتها تبقي تتحقق هكذا :)

طيب ليه مش كل مرة بنقدر نوصل للحالة ده ؟؟؟
وازاي نقدر نوصل لهذه القدره علي تجلّي الاشياء ؟؟؟ وايه المعوقات المسببه ف اخفاقتنا ؟؟ ازاي اتغلب عليها ؟؟؟

انتظروا التكمله ف الجزء الثاني :)