ارسال نيّة جماعية الي مصرنا الحبيبة اليوم ٢٣نوفمبر الساعة الحاديه عشر بتوقيت القاهرة

مساء الخير عليكم يااحلي صحبه .. 

يالا الهمّة في تاني ارسال للنيّة الجماعية .. كله ينده ع اهله وحبايبه واصحابه وجيرانه وجيران جيرانه ... مسلمة المرادي اقترحت لمين حنرسلها 

المرادي حنرسل النيّة للغالية .. حبيبتنا كلنا ام الدنيا .. ارض الامن والامان ع طول الزمان ان شاء الله .. بكره حتنكشف الغمّة وحينصلح الحال بإذن الله 

النيّة المرادي ل حبيبتي مصر 

نظراً لما تمر به البلاد من احوال غير مستقرة واراء واقوال حول يوم ٢٨ نوفمبر .. ان شاء الله حنرسل النيّة المرادي لبلدنا باهلها ونيلها وشمسها وارضها وزرعها .… 

وان شاء الله تكون ساعة استجابة وتجلّي لنوايانا ويمر هذا اليوم وكل الايام يارب علي خير وآمن وآمان .. 

النيّة مش حتكون خاصة بفكر معين ولا اتجاه معين .. نيّة بالصلاح والتيسير والامن والامان لبلدنا واهلنا .. ياريت نشيل من قلوبنا اي ضغائن او موالية لاي نظام .. طهروا قلبوكم من اي اتجاهات .. 

اختلفنا او اتفقنا ف الاول والاخر نتمني الاستقرار والامن واصلاح الحال .. 

ارجوا التركيز .. النيّة هنا غير موجّة سياسياً لاي تيار .. وممنوع المواليّة لاي نظام .. 

دعوا الامور في يد الخالق عز وجل وهو ادري بالصالح .. فقط ركزوا واخلصوا النيّة

الاهم من تشتت الطاقات والانتماءات .. هي قوة النيّة والتي ستتجلي ان شاء الله بتوحيد هذه الطاقات نحو الصلاح والاصلاح والامن والامان حيثما كان

اشحنوا طاقاتكم جميعاً بكل الحب والاخلاص وحسن الظن والتفاؤل ... علّوا طاقات الامل .. خلوها توصل للسما .. ومحدش يقوللي مفيش فايدة .. طول مافينا نفس ان شاء الله فيه مليووووون فايدة وفايدة 

يالا بينا نبدء باسم الله :

النيّة : لبلدنا الحبيبة واهلنا وارضنا

وصيغة النيّة: “اللهم احفظ بلدنا واهلنا وارضنا وارزقهم الامن والامان ويسّر لهم الخير حيثما كان”

الميعاد: الساعه ١١ مساءاً بتوقيت مصر يعني ١٢ بتوقيت السعودية

خطوات ارسال النيه:

١-اختيار مكان هادئ وحنصلي ركعتين بنيه التوفيق والهدوء والاسترخاء والامتنان لكل حاجه ف حياتنا وانت مدرك ومتيقن من صدق نيتك وصدق تحققها مش بقوتك انت ولكن بقوه الله عز وجل وحسن ظنك بالله تعالي .. واللي مش بيصلي يستشعر كل ده بقلبه

٢-بعد الصلاه حنعمل تدريبات التنفس (شهيق عميق بالانف وزفير هادي بالفم لمده دقيقتين او تلاته) والتدريبات ده نوع من الاسترخاء والتواجد في اللحظه بكل طاقتك وعقلك الواعي 

٣-حنعيش ف اللحظة من غير اي تشتيت من جواك ولا استسلام لاي افكار سلبية … لو لقيتوا نفسكوا متشتتين وبدءتم تفكروا في سلبيات او مفيش فايده والكلام الهدام ده .. 

حنبعد الافكار ده بتكرروا التنفس من تاني وحاولوا تحسوا وتدروكوا لكل حاجه حواليكم اثاث او حيطان .. زرع .. اي حاجه بتفاصيلها .. واستشعروا النعم حواليكم وقول الله عز وجل ف كتابه ادخلوا مصر ان شاء الله امنين .. المهم تكوني ف اللحظه

٤-استشعروا بقلوبكم الاحساس بالبلد وحنينا اليها واستشعروا الامن والامان والاستقرار اللي نفسكم تشوفوا فيه البلد

٥-حنرسل النيّة بقلوبنا بقوه ووعي بالصيغة ده: “اللهم احفظ بلدنا واهلنا وارضنا وارزقهم الامن والامان ويسّر لهم الخير حيثما كان” حنكررها بقلبنا كذا مرة .. ولو تاهت منك الصيغة مفيش مشكله انت صيغها بآسلوبك

٥- غمضوا عنيكم واستشعروا حواليكم طاقة ايجابه وكآنها وصلت لله عز وجل .. وانها بدءت تتحقق حقيقة .. حسوا بمشاعر وتفاصيل تحققها وكأن بلدنا محمية بطاقة آلهيه من اي شر او عدوان وكأن الخير عمّ كل مكان .. اللهم استجب

٦-مده ارسال النيّة من وقت الارسال حتي الانتهاء يفضل متزدش عن ربع ساعه او اكتر قليلاً وده عشان متشردوش

٧-خلصتم .. انسحبوا بسلام وهدوء وانتم متيقنين الاجابه بقوة الله عز وجل 

ان شاء الله حنرسلها مرتين النهارده وبكره ف نفس التوقيت الساعة ١٢ بالليل لو يناسبكم كلكم

استغلوا الامطار اللي احنا فيها واحساسكم وايمانكم وحسن ظنكم .. وان شاء الله تتجلّي النيّه وتتحقق بآمره تعالي

وياريت كل اللي يعرف حد يفهمه الموضوع ويخليه يشارك معانا لعلها تكون ساعة اجابة وجزاكم الله خيراً

واللي جديد ومش فاهم حاجة ياريت يسآل وكلنا حنجاوبه