كاريزما اللسان ... كن انيق اللسان .. كما انت انيق المظهر :)

كن انيق اللسان .. كما انت انيق المظهر

 Be stylish tongue .. as you're stylish appearance

ابسط الاشياء واغلاها واثمنها هي الكلمة الطيبة والوجه الطلق .. 

قال رسول الله صلي الله عليه وسلم :
“اتقوا النار ولو بشق تمرة ٫ فإن لم تجدوا فبكلمة طيبة”

“لا تحقرن من المعروف شيئاً ولو ان تلقي اخاك بوجه طلق”
"تبسمك في وجه اخيك صدقه"

فالابتسامة هي لغة الانسانيه .. والكلمه الطيبه هي حديث الروح .. فليس هناك اجمل من ان نلقي الاخرين ونترك ف قلوبهم حديثٌ لن ينسي .. او لغة تترك علامة طيبة

لما يحصل حوار عقيم بينك وبين صديقتك مش لازم تتمسكي برآيك وتخسريها ..
بل ابتسمي واتركي كلمه طيبة وانسحبي .. ستجدين الامور هانت وصغرت والموقف انتهي ..
علّميها فن التحاور مش لازم تآثر عليكي بآسلوبها

لما توصلك اخبار تضايقك من اي شخص اخر عنك .. بلاش تسئ النيّة وتخسري طاقتك ومعنوياتك وانتي مش متآكده من آصل الحوار بدء ازاي  ..
ربما كانت في حالة نفسية سيئة .. وندمت بعد ذلك عما حدث ..
بلاش تغضبي وتبوحي بآسرار ائتمنتك عليها … او تقولي كلمة تندمي عليها …
بل ابتسمي وبلغي من بلغك كلمة طيبة ولتكن الله يسامحها وغيري الحديث ..

لما تلاقي حد غلبان في طريقك وملقتيش معاكي فكّه .. تصدقي ولو ببسمة ..

لو دخلتي مول ولقيتي الحمام مش نضيف والعاملة قاعده مطنشة ..
اكظمي غيظك وقدّري ضعفها وتبسمي ف وجهها وقوليلها ببساطة لو سمحتي امسحيه ..
مش يمكن تكون ف هم ومش عايزة منك اكتر من بسمة عطف او كلمة حنان

امثله كتيرة اكيد قابلناها او لسه حنقابلها .. اكظموا غيظكم .. والتمسوا الاعذار ..
غيّري ف الموقف قبل ما يغيّر فيكِ .. 

وزي مابتهتمي بمظهرك وشكلك ادام الناس ..
ظبتّي لسانك .. علّميه التسامح وحسن الظن وعوّديه انه يغير في اللي حواليه ..
مش هما اللي يغيروا فيه ..

مش كفايه تلبسي كويس .. وتختاري برفيوم غالي .. او ماركة وااااو

ظبطتي اللي جوه زي مانتي مظبطه اللي بره …
واكملي مظهرك الأنيق بجوهرك النقي واسلوبك المهذب .. 

كوني انيقة اللسان .. كما انتي انيقة المظهر :)