من اين ابدء رحله التغيير :)

من اين ابدء رحلة التغيير:
ده كان سؤال كتير من اصدقائي وحبيت انزله ف بوست مستقل حتي تعم الفائده.
رحله التغير شيقة وممتعة لانك حتحسي يوم عن يوم انك افضل واقرب لله وللحياة السليمة وتحقيق امالك واحلامك .. تعالوا نوضحهم ف نقط بسيطة سبق واتكلمنا عن كل نقطة بالتفصيل الممل 

١- نقطه البدايه هي الرضا والامتنان لما انت عليه الان مهما كان نقصك حاجات .. مهما حاسه انك مقصره .. حبي نفسك كما هي وانطلقي وانتي ممتنه وعندك حسن ظن بالله بآن الاتي افضل وان شاءالله حتقدري تغيريه مش بقوتك ولكن بقوه الله تعالي

٢- الاقرار والاعتراف ان عقلك الباطن وافكاره التي تبرمج بها منذ زمن هي وراء كل مشاكلنا وانك حتنوي نيّه خالصه صادقه لله عز وجل والنيّة طبعا محلها القلب بانك حتتغلبي عليه وحتبقي اقوي منه وحتعيدي زرع الافكار الايجابيه .. حتمسكي الدريكسيون بإيدك انتي لانك تستحقي حياة افضل ... استحضري كل الطاقات الايجابيه وعقلك الواعي وروحانياتك وانتي بتنوي وبتدعي ربنا عز وجل وسبق وشرحتها

٣- انتي نفحه من روح الله عز وجل .. يعني تقدّري ذاتك وقدراتك وثقتك بنفسك وعمرك ماتقللي من شآنك ولا تسمحي لحد ان يقلل منها او يآذيها

٤- حرري نفسك من اي طاقه سلبيه بتاكل فيكي .. اتصالحي مع الماضي .. اي حد سببلك اذي او ظلمك ارفعي الامر لله عز وجل وابدئ صفحه جديده لان مشاعر الكره والضيق الداخلي عمره مابيخلي النفس قادره ع التعايش بسلام حتي مع نفسك واقرب الناس ليكي وده له تدريب سبق اتكلمنا فيه

٥- املي قلبك بالرضا والامتنان وحسن الظن بالله وزودي المشاعر ده بالتآمل .. التآمل ف كل نعمه حواليكي … جواكي … تآمل وحمد وشكر .. وده انا شرحته ف تدريبات كتيره .. والتآمل مش يعني اقعد مربعه ع الارض .. التآمل بآبسط طريقه تريحك وف اي وضع يريحك وبآي حاجه تريحك .. ممكن ف الطبيعه والاوبن آريا .. ممكن وانتي قاعده بتقرآي قرآن .. ممكن وانتي ماشيه لوحدك .. مسافره .. لسه صاحيه .. او داخله تنامي .. اي وضحك يحسسك بالريلاكسشن والهدوء النفسي واحساس بنعمه وقدره الله عزوجل يبقي اسمه تآمل

٦-تصدقي كل فتره بنيّه اصلاح شآنك وعيوبك .. والصدقه سر من الاسرار الخفيه .. داوا مرضاكم بالصدقة .. وحققي اهداف بالصدقة ..

٧-ابعدي كل البعد عن سالبي الطاقه .. وان كنتي مضطره للتعامل معاهم يبقي كوني حاضره فقط جسديا شارده ذهنياً .. وقربي من كل حاجه تعلّي من طاقتك الايجابيه .. اصدقاء او هوايات او قراءات وطبعاً قبلهم وردك اليومي اللي متعوده عليه

٨-اتعلمي تكتبي اهدافك و تقيّمي نفسك وده بحضرلها وان شاء الله حنتكلم عنها بالتوضيح

والتدريبات اللي انا عملاها هنا حتساعدكم كتير ع الوصول لحاله الرضا والامتنان والمسامحه .. وفيه مقالات كتباها عن ازاي تبقي المسيطره ع عقلك الباطن

اما عن تمارين التجلّي او ارسال النيّه انا موضحاهم قبل كده بس كل ده لازم يسبقه تمهيد للنفس بالامتنان والشكر والرضي
وعايزاكم تعرفوا ان مش من يوم وليله حتحلوا كل مشاكلكم .. اعقدوا النيّة وتوكلوا وانتم موقنين الاجابه .. متعقدوش ومتعرقلوش حياتكم بتخمينات عقيمه .. قوة النيّه هي بدايه قوة التجلّي وتدريب النيّه والتجلّي مقترن بكل التدريبات اللي قبله ..

اتمني اكون وضحت وتحت امركم للي حابب استفسار