تدريب I did it

يامساااااااء الخيرات والسكر النبات 

معلش الايام ده الدنيا زحمة شوية بس بكرة ان شاء الله افضي ونكمل موضوعنا الشيق 

وبدل ماادخل بإيدي فاضية جهزتلكم التدريب ده وهو نوع من التوكيدات الايجابية للي عنده مهمة معينة وانا الحقيقة منزلاه لغرض معين للي عندهم بكره تحدي 

التدريب ده مخصوص للي عندهم برزنتيش بكره أو اي تحدي قريب والسلام 

حنشحن عقلنا الباطن عشان نقضي علي اي قلق او مخاوف او رهبة … كلنا زي الفل بس لان الموضوع قد يكون جديد شويه حنحس اننا مخضوضين وعشان كده التدريب ده لتقويه الثقه بالنفس ان شاء الله:

١- الجلوس في مكان مريح وضهرك مستقيم وابدءي بأي ورد قرآني بيخلي قلبك هادي او ادعية او ماشابه او ميوزك هادية حواليكي بس حنوقفها بمجرد الدخول ف حاله الهدوء.

٢-تنفس عده مرات كما وضحتها من قبل وهو التنفس ببطء اخذ شهيق من الانف وطرده بالفم ببطء.

٣-ريلاكس جسمك وعقلك من اي مشاكل او دوشه او افكار ومخاوف وكدهووون يعني حنحاول نعيش في اللحظة وده حاله ممكن ندخلها بآنك تركزي علي كل حاجه حواليكي وتكوني واعية لها.

٤-حنختار اي توكيدات ايجابية مناسبة للموضوع او الحالة اللي انتي بتعملي ليها التمرين .. يعني مثلا بتوع البرزنتيشن حيقولوا التوكيدات ده:

استطيع ان افعلها .. انا ذكية وناجحه ومتوفقة .. انا واثقة من نفسي .. انا شجاعة وقادرة علي المحادثة .. ميس إليسا مبهورة بي .. اصدقاءي مبسوطين ومنتبهين لموضوعي .. وهكذا وزودوا اللي تحبوه.

واللي حابب يعمل التدريب بس عنده موضوع اخر يختار من التوكيدات مايتماشي مع موضوعه المهم انها تكون في صيغه الحاضر وبصيغة الإثبات مش النفي

مينفعش نقول: انا مش خايفه .. ولكن نقول انا واثقه من نفسي

مينفعش نقول: انا مش زعلانه .. ولكن نقول انا مبسوووطه

وهكذا وده كمان حيساعدنا في خطتنا للنزول بالوزن اللي حنبدء فيها قريباً ان شاء الله وده شوية توكيدات للموضوع ده : بنزل في وزني .. جسمي رشيق .. بشبع بسرعة .. صحتي جيدة بهذا النظام .. زوجي مبهور بي .. أصدقائي يسألون كيف فعلتيها .. وهكذا ياحلوين فهمنا 

٥-الاحساااااس (حنشتغل بإحساسنا وحنحس الموضوع بمشاعرنا): 

اختارنا التوكيدات الايجابيه خلاص وبنقولها بثقة في الاول حتحسوا انكم زي البغبغان مجرد تكرار .. ولكن شويه بشويه حتخلط بمشاعركم وحتحسوا بيها خارجه من قلوبكم وهو ده الغرض من الخطوه ده ف حطي ايدك علي قلبك وحسي بالكلام خارج من جوه.

٦-التصور والتخيل: وده اهم خطوة اللي كنت اتكلمت عنها معاكم قبل كده ف قانون التجلّي .. اي انك تتخيل الاشياء ده وكأنها تحققت بالفعل .. يعني مثلا بالنسبة لموضوع البرزنتيشن تتخيلوا انفسكم وكأنكم واقفين ومجلجلين وإليسا مبرألكم ومبهوره بيكم 

اما لو حاجه خاصه بالوزن مثلا:

تتخيلي انك خلاص وصلتي لوزنك واصحابك بيهنوكي وزوجك مبهور بيكي حقيقه وهدومك اللي مش بتدخل دخلت فيكي وهكذا .. اعلوا بسقف التخيل والتصور لحد ماتحبوا. 

التكراااااااار: كل ماتكوني فاضيه كرري التدريب ده .. وانسب الاوقات هو وقت قبل ماتدخلوا تناموا او اول ماتصحوا الصبح ف الهدوء بعيد عن الاطفال او في اي فتره من النهار تحسوا انكم في هدوء كرروا هذا التدريب.

يبقي الملخص:

Sit 2. Breathe 3. Relax 4. Affirm 5.Feel 6.Visualize 7.Repeat

اراكم ع خير 

سما