Rule no3 Enjoy every mothful :
يقول ابن ماكيننا
“يعاني ذوي الاوزان الزائده من سيطره الاكل على تفكيرهم … فهم باستمرار يريدون ان يأكلوا .. باستمرار يفكرون في الطعام … باستثناء وقت واحد فقط … وقت تناولهم للطعام…!!"
ياترى صح الكلام ده ولا افتراااا
نفضل نفكر ونفكر وأول مانشوفه فيس تو فيس وتبدء عملية الهجوووم .. وبعد كل هذا التفكير والإنتظار لايعيه أدني اهتمام .. فقط يبتلع أكبر قدر منه دون تذوق. دون أن يسمع لصوت بطنه وهي تستغيث .. حررررررام .. كفااااااااية
بالذمة كام واحدة منكم بتعمل كده
ينزل بقي الأكل نص هضم أو مش مهضوم من الأصل هو وحظه بقي .. وطبعاً الاحساس بالشبع بيتوه مننا .. لحد بعد انتهاء السباق .. نفوق وندرك ان كفاية بقي كده .. او مندركش اصلاً
وبعد كل ده ياريت بنكون مبسوطين .. بالعكس بندخل ف مود اكتئاب وزهق .. والميزان مابيكدبش
يقول الكاتب: “ الامور الفطرية التي نمارسها مثل تناول الطعام او التنفس تحث الدماغ على افراز مادة كيميائية تحث على الاحساس بالسعادة ...تسمى السيروتنين … ورغم احساسهم بالرضا بعد تناول كل وجبة الا ان هذا الاحساس مؤقت … يعقبه احساسهم بالذنب … فعندما يتناول البدين الاكل بشراهه هاربا من الشعور بالذنب وباحثا عن السعادة ..يصبح في حقيقة الامر معلق بين الاحساس بالذنب والشهيه العصبية”
اذن الحل ايه ؟؟؟
انك تأكلي بوعي
حيث اثبتت الدراسات أنه عند ادراكك لحظات الأكل وأنت في كامل وعيك هناك ثلاثة أشياء تحدث:
أولاً: لأنك بتستمتعي بالمضع .. التذوق .. فتاخدي وقت أطول قبل مالأكل ينزل للمعدة وبالتالي بتشعري بإستجابة معدتك ومدى إحساسها بالشبع .. بتعرفي توصلي لنقطة الشبع .. وبالتالي بتاخدي قرار التوقف في الوقت المناسب.
ثانياً:حتلاقي نفسك بتفكري في اختيارت اكتر مش حتركزي ف نوع واحد من الطعام .. وحتلاقي نفسك منجذبه لاصناف تانية كانت تايهة عندك وحتشبعلك رغبة التذوق وحتسد جوعك بشكل افضل ورضا كامل عن نفسك وعن إختيارك للصنف ده عن غيره.
يعني بعد ماكنتي بتميلي لحته بسبوسة او دونت أو تجري وراء شيكولاطاية حتلاقي نفسك شهيتك بتروح لأصناف تانية وبتتضبط وتستمع أكتر معاهم.
هو ليه كتير منا بيجروا ورا الحلويات أو الشيبسات أو الأكل المدمر ده ؟؟
لأنهم بيلاقوا نفسهم بإتباعهم طريقة الأكل السريع واللاوعي عايزين يشبعوا رغباتهم بأي حاجة دهنية أو مسكرة أو مملحة وبس بدون فهم لحاجاتهم الحقيقة .. تقدروا تقولوا مغيبين عن احتياجهم الحقيقي .. متسرعين في اختيارتهم وبرده مش مستمتعين .. وعن تجربة امسكوا قالب شيكولاته اد الفيل وآلتهموه بسرعة وبدون وعي ولا توقف وف مرة تانية امسكوا جزء منه بار صغنن أو مكعب وابتدءوا تاكلوا ببطء وتذوق ومضغ بالراحة وشوفوا الفرق .. واحكموا أنتوا
ثالثاً:بإنتباهك أكثر لنوعية الأكل والتذوق ببطء حتستمتعي أكتر وبالتدريج حتلاقيكي تلقائياً حتحبي عادة الأكل ببطء .. وكمياتك حتقل أكتر.
اذن:
لابد أن نتبع الآتي كما يقول الكاتب:
“كلي ببطء … امضغي ببطء… تذوقي كل لقمه تاكليها … تذوقي طعمها ومكوناتها … امضغي ببطء وكوني مدركه لكل لقمه… الان فكك مبرمج على اللقم الصاروخيه … فانتي تلقائيا تريدين ان تبلعي كل ما يدخل فمك .. دربي نفسك ان تتروي في المضغ … وان تتذوقي كل ما يدخل فمك .. ببطء”
فعند
وأن نمتنع عن الآتي أثناء الأكل:
مشاهدة التليفزيون أو القراءة أو النت أو وانتي ماشية أو حتى وأنتي بتحللي الكلمات المتقاطعة
عايزينك عايشة في الوعي مش عايزين تشتيت من أي نوع ونظام الخطف علي السريع في المطبخ ده ممنوع .. تتفضلي ترتاحي علي كرسي وادامك طبقك وبألف هنا
وإليكم هذا التدريب حيساعدكم في ترويض الشهية والوصول لحالة الاستماع لصوت بطنك وجسدك:
ومن هنا لحد مانبدء اول السنة ان شاء الله اعملي الآتي كما قال ماكينا:
١-قومي بابطاء سرعه اكلك الى الربع ...
٢-امضغي بهدوء وتذوقي كل لقمة ..
٣-ثم بعدها اخفضي سرعه المضغ اكثر ..
٤-ضعي الملعقه او الشوكه والسكين بين كل لقمة واخرى ...
٥-إن كنتي تاكلين بيدك .. ابعدي يدك عن الصحن الى ان تمضغي اللقمة التي في فمك بهدوء… وتذوق … وبعد ان تبلعيها يمكنك ان تبدأي في تحضير اللقمه التالية ...
٦-ان كنتي تأكلين ساندوتشا أو أي اكل يحمل باليد ..ضعي الاكل الذي بيدك جانبا بين كل لقمه واخرى.
٧-مضغ كل لقمه عشرين مره … ليست كثيره ..حاولي .. ومن جهة اخرى ..فان مضغ الطعام بهدوء صحي … فالانزيمات التي في اللعاب مركزه .. بالاضافه الى ان تقطيع الطعام جيدا بالمضغ يعطي للجسم الفرصه من الاستفاده من كل مكوناته ...
وعندما تأكلين بتأني …. سوف تأكلين اقل .. وتشعرين اكثر بالسعاده.
وهنا انتهي التدريب
وعن تجربتي مع التدريب ده عايزه اقولكم ان الدنيا بأت مختلفة تماماً .. الطبق بقي مش بيخلص وبقيت بحط كميات أقل وبقوم شبعانة الحمدلله .. وبسمع استغاثه معدتي وهي بتقول كفاااااااية
إذن الخلاصة من القاعدة الذهبية الأولى والثانية والثالثة:
“عندما تجوعين كلّي .. وتناولي ماتشتهين وليس ماينبغي عليك تناوله .. وتذوقي طعم كل لقمة تأكلينها“
أتمني أكون وضحت النقطة ده كويس وبكرة ان شاء الله معادنا مع اخر قاعدة وان شاء الله ادمج معاها شوية توضيحات خاصة بالاربعة كلهم.
تعليقات
إرسال تعليق