Live with Passion

كم مرة حسينا اننا مش قادرين وان الحمل فوق طاقتنا ولما سلمنا انه لامفر اكتشفنا اننا قدرنا بل واصبحنا اقوى من الأول العقل وظيفته الاساسية هي الهروب من اي حاجه تعاكس منطقة الراحة اللي اعتاد عليها .. اي تحديات او ابتلاءات مش عاجباه حيظهرلك كل الحجج اللي تؤكد ده .. على أمل يلاقي وسيلة للهروب لكن لما بيكون مفيش ادامه غير طريق واحد (المواجهه) بيبدء يعيد افكاره ويوظفها للخروج من الموقف ده بأسرع وقت ممكن وبأقل خساير .. وسبحان الله بيعدي وبيمر لان الله سبحانه وتعالى قال “لا يكلف الله نفساً الا وسعها” يعني مش حيصيبك الا اللي انت اده فعلاً فعند الابتلاءات بلاش تصدق كل حاجه عقلك بيوصلهالك .. بلاش تبكي معاه وتغني على غناه .. اسمع منه ورد عليه حقدر بإذن الله .. لا يكلف الله نفساً الا وسعها … ومرة ف مرة حيهمد وحيهدى وحتعدي بسلام وحتبقى نقله للأعلى بإذن الله

أجريت دراسة في جامعة كولومبيا البريطانية تقول أن اهتمام الأشخاص بالأشياء يزداد عند منعها عنهم وحرمانهم منها، وذلك بسبب تغير في مستوى اهتمام الدماغ بهذه الأشياء ونظرته لها. وهنا نقطة ومن أول السطر!! العقل الباطن مش بيفرق بين الإثبات والنفي .. الممنوع عنده مرغوب .. لا تفكر في الفيل البمبي .. يعني فكر في الفيل البمبي .. لا تفكر في الأكل .. شهيتك حتتفتح أكتر!! لما تمنع نفسك عن حاجة .. أنت كده بتلفت نظرك أكتر ليها .. وهكذا في كل تصرفاتنا ومعاملاتنا ..  وخاصة تربية أولادنا. في تربية أولادنا كل الممنوع مرغوب!! لما تمنعي ابنك من حاجه .. ف حيحصل حاجه من اتنين: إما يكون مطيع وبيسمع الكلام ويقولك حاضر .. وإما يكون مشاكس ومعاند ويبدء الخناق والخلافات. متفرحيش أوي بالأولاني المطيع الكيوت لأنه في أقرب فرصة ممكن بسهولة يعملها من وراكي ويداري كل آثار عملته .. أو يتولد جواه كبت لأنه خايف يخالفك وحيكبر خايف وحيعيش تعبان. الممنوع مرغوب ده غريزة بشرية .. مش محتاجة لدراسة طبية .. طيب ايه الصح وازاي اتصرف؟؟ إني ازرع فيهم العادات والقيم وبكرة حتتحول لسلوك .. وفي يوم من