جدد حياتك

البداية:

طموحاتي عالية .. ومشكلتي أني دائماً أسعى للكمال .. وده سلاح ذو حدين .. ممكن يرفعك .. وممكن يعجزك .. مهما درست من كورسات اشعر أنني أحتاج لأكثر .. مهما جمعت من شهادات لسه مش شايفاني .. ثقة اصدقائي ليّه كانت بتدفعني .. لكن ثقتي في نفسي كانت بتوقفني

وباخد وقت في اخراج اي عمل .. وطبعاً اما بجهد او بهرب  .. والاقيني انغمست في كورس غيره .. ودواليك بين التسويف والكسل مش عارفه اخد قرار وانفذه للاخر ..

والنتيجة عمري ماكملت خطة او حققت هدف كما تخيلته .. شهاداتي بالنسبة لي مطبوعات ليس إلا .. شهيتي للعلم والتعلم رائعة ولكنها أصابتني بالتخمة فعدم التوقف والإستفادة كانت مرهقة ومحبطة!!

ولكن شاء القدر ان ادرك قدراتي واكتشف ذاتي .. عندما أجبرت على رحلة معينة .. كانت محطة اكتشافي لحقيقتي وخبايا نفسي وقوتي .. أجبرت على #شالنج وان وااي ولازم اكمله ..

اجبرت على الالتزام بأشياء وأعباء لم اتوقع انني سأقدر عليها  .. اعباء نفسية أعلى من ادراكي .. والغربية انني لحد الآن ملتزمة والحمدلله .. بالتأكيد فضل من الله عز وجل مش شطارة مني .. اراد سبحانه أن يثبت لي  اني اقوى بكتير مما ظننته بنفسي .. رسالته مفادها ”انا مخلقتش حد ضعيف .. ضعفك ده وهم عيشتي نفسك فيه“

نعم التزمت .. لأن قوتي وتميزي بداخلي .. وهكذا أنت/أنتِ .. الله سبحانه وتعالي يقول وخلقنا الإنسان في أحسن تقويم .. حتى ضعفي أصبح يقويني ويثبتني .. يسر وعسر وعسر ويسر .. هكذا خلقنا ومفيش ظلام على طول ولا حتى النهار بيدوم

كل اللي محتاجينه اننا نؤمن بده .. بلاش ننتظر نجبر عليه عشان ناخد القرار وننطلق .. خد وقتك لكن مطولش في اكتشاف ذاتك وقدراتك .. تقدر توصل لأي هدف .. فقط ابدء بأي بداية وحتنطلق للي بعدها وحتزداد خبرة وقوة وحكمة .. الكمال لله وحده .. والإتقان مش معناه اقف مكاني واطوّل في الإنتظار .. بالعكس ابدء وحيقوى واحدة واحدة

ربنا خلقك مميز .. فطرتك مميزة .. كيانك البشري يحوي عزيمة وإرادة وقوة .. ضعفك ده وهم .. غمامة اسباب كتيره وراها .. حقيقتك اقوى .. والدليل اننا بنقدر نتكيف لما نجبر على التكيف .. يبقى ليه تنتظر الإجبار وانت سيد القرار

#ابدأ_الآن 

#running_to_new_life