Live with Passion

  في #العلاقات متجيش ع نفسك وتظلمها بعلاقة تدوس عليك وتقهرك وتعذبك مهما كانت اسبابك لانك لوحدك اللي حتحاسب ع المشاريب!! #رسالة من زوجة بتموت كل يوم من زواج زوجها عليها ومع ذاك اختارت تضحي بسعادتها وتتحمل اهاناته عشان خاطر الاولاد واختارت تفضل ع ذمته عشان الشكل العام والجو الاسري!! حبيبتي .. اسرة ايه وجو ايه الملبد بالظلم والاهانه والقهر ده اللي بتدافعي عنه وبتربي ولادك فيه؟؟!! الحقيقة المرة اللي لازم نفهمها  ان الاولاد لما بيكبروا ف الجو ده ،، بيدفعوا التمن اكتر بكتير من لو كان الاب والام منفصلين ومحترمين بعض فإذا كان زوجك اختار حياة اخرى يبقى انتي كمان تختاري تحافظي على كرامتك وكرامة اولادك لازم نفهم ان عذاب الام ومعاناتها بينتقل لاشعوريا للاطفال مهما حاولت تثبتلهم العكس المشاعر المكبوتة زي البركان حيجي وقت وحتنفجر فيكي اولا ثم ف كل اللي حواليكي .. ولحد ماينفجر انفجار مرئي .. حيفضل يخرج غازات سامة حتشل حاجات كتيرة جميلة جواكي وجواهم!! ليه تظلمي نفسك وعشان خاطر مين؟؟ ثقي أن الطفل اللي بيتربي في جو كله ظلم ووجع بيدمر نفسياً بطريقة لاواعيه حتأثر عليه عاجلا او اجلا ولادك حيتربو أحسن ويعيش

  اراء كتير بتقول ان سيدنا الخضر  في قصته مع سيدنا موسى عليهم السلام في سورة الكهف كان بيمثل القدر … اللي كان بينفذ ما امره به الله عز وجل ..  ورحلة سيدنا موسى معه كانت لاكتساب الدروس والتعلم والحكمة .. ولأن الأحداث كان فيها حاجات كتير بتفوق الفهم والعقل البشري .. زي قتل غلام بدون ذنب وخرق السفينة دون حق الى بقية الأحداث .. فكان دائماً سيدنا موسى مضايق من اللي بيحصل ومش صابر رغم انه نبي لكنه بشر .. لأن الامور غير مفسرة .. ظاهرها ظلم وقسوة  ..  سيدنا موسى قدّر له انه يعيش درس لايف مع القدر المسخر من الله عز وجل يتحدث ويفسر ما يحدث .. ففهم ليه اللي حصل حصل رغم قساوته .. والدرس ده ذكر في القرآن عشان نتخذه منهاج لكل اللي حنقابله من أحداث غير مبرره   الدرس انه اياً كانت اقدار الله فباطنها رحمات وخير .. مهما كان ظاهرها العكس .. حتى لو لم نستوعب ذلك .. الآن .. احداث كتيرة بتحصل حوالينا او بنسمع عنها مليانه ظلم وقسوة عقلنا البشري بيصرخ لييييييه .. زي بالضبط ما سيدنا موسى تفاعل مع الأحداث ولم يطق صبراً عشان يفهم التفسير من سيدنا الخضر (القدر) ليه شاب يموت فجأة ويتحرم اهله منه .. ليه اطفال تتيتم