دعوة لاحترام الذات!!
في #العلاقات
متجيش ع نفسك وتظلمها بعلاقة تدوس عليك وتقهرك وتعذبك
مهما كانت اسبابك لانك لوحدك اللي حتحاسب ع المشاريب!!
#رسالة من زوجة بتموت كل يوم من زواج زوجها عليها ومع ذاك اختارت تضحي بسعادتها وتتحمل اهاناته عشان خاطر الاولاد واختارت تفضل ع ذمته عشان الشكل العام والجو الاسري!!
حبيبتي .. اسرة ايه وجو ايه الملبد بالظلم والاهانه والقهر ده اللي بتدافعي عنه وبتربي ولادك فيه؟؟!!
الحقيقة المرة اللي لازم نفهمها
ان الاولاد لما بيكبروا ف الجو ده ،، بيدفعوا التمن اكتر بكتير من لو كان الاب والام منفصلين ومحترمين بعض
فإذا كان زوجك اختار حياة اخرى
يبقى انتي كمان تختاري تحافظي على كرامتك وكرامة اولادك
لازم نفهم ان عذاب الام ومعاناتها بينتقل لاشعوريا للاطفال مهما حاولت تثبتلهم العكس
المشاعر المكبوتة زي البركان حيجي وقت وحتنفجر فيكي اولا ثم ف كل اللي حواليكي .. ولحد ماينفجر انفجار مرئي .. حيفضل يخرج غازات سامة حتشل حاجات كتيرة جميلة جواكي وجواهم!!
ليه تظلمي نفسك وعشان خاطر مين؟؟
ثقي أن الطفل اللي بيتربي في جو كله ظلم ووجع بيدمر نفسياً بطريقة لاواعيه حتأثر عليه عاجلا او اجلا
ولادك حيتربو أحسن ويعيشوا ف جو صحي لما تتصالحي مع نفسك
وتختاري نفسك ثم اولادك
لما تكوني متزنه ..
وواحده واحده اولادك حيتفهوا الاختلاف والانفصال وحيحترموكم اكتر لما تتعلموا تحترموا انفسكم
والحياة حتستمر
وده مش دعوة للانفصال .. ولكن دعوة لعدم ظلم نفسك واولادك .. دعوة لحياة صحية .. دعوة لاحترام الذات
ف لو شريك الحياة اختار الهروب ..اختاري انتي الاستمرار بحياة💚
#التربية #الزواج #الذات
#سماء_كمال
#من_وحي_جلسة
تعليقات
إرسال تعليق