لو لسه خارج من علاقة عاطفية؟؟ اعمل ايه

 

#من_وحي_جلسة

#رسالة

لكل انسان عايش في علاقة غير متزنة او لسه خارج من العلاقة وقلبه مجروح وحالته النفسية متأثره بما حدث احترس من التأثر بأي كلمات عاطفية من اطراف خارجية والدخول من جديد في علاقة جديدة مهما كنت شايف الطرف ده انسان جميل او تصرفاته نبيلة .. اتزن اولا واخرج من الحالة اللي انت فيها ،، وقبل اي بداية جديدة

ابتدي اولا مع نفسك ،، مع ذاتك ،، داخلك ،، اهدى خالص اولا ثم اتناقش مع مختص اواستشاري يوضحلك حالك ويشرحلك الاسباب اللي وصلتلك لكده ولا تستسهل انك ترمي الاسباب على الطرف الاخر او تشوف نفسك ملاك لا حول لك ولاقوة فيما وصلت إليه

افهم نفسك اولا وارجع للتراك من تاني قبل ماتكرر نفس المأساة مع شخص جديد ،، لانالسيناريو حيتكرر تاني وتالت وحتقابل نفس اللي قابلته لانك للاسف بدون وعي حتشدلحياتك نفس الصفات اللي عانيت منها حتى لو في الاول ظهر لك بعكس كده

كذلك مع #اولادك

لو بتعاني من علاقة أسرية مضطربة ،، خد بالك من اولادك ومتشجعهمش على الارتباط الالما هما كمان يتكلموا مع مختص او استشاري يعالج ما بداخلهم من دمار نفسي بسبب التجربة الاسرية الغير متزنة اللي اتربى فيها  ،، لانهم غالبا حيشدوا لحياتهم شريك حياة له نفس الطبائع اللي عانى منها مع والديه

#علاقات_بلا_توتر

#سماء_كمال

#العلاقات #الزواج #استشارات