Live with Passion

نقطة ومن اول السطر :) ولانه محدش فاهم حاجة يبقي نقطة ومن اول السطر  .. مهما زاد وعيك السياسي وخبرتك وتحليلك للمواقف .. برده محدش فاهم حاجة .. مين الظالم ومين المظلوم الله اعلم الادلة موجودة في الارشيف الرباني .. ام مايعرض هنا وهناك فمنه مليووون نسخة ونسخة .. وكله بيطلع علي حسب المزاج واتجاه الريح :) لا المؤيدين فاهمين حاجة .. ولا المعارضين فاهمين حاجة .. ولا الثورجية فاهمين حاجة ولا حتي حزب الكنبة فاهم حاجة :) للاسف لعبة السياسة لعبة قذرة وكله بيلعب علي كله .. وكله سهل تلوينه .. وكله شغل من تحت الترابيزة واللي النهاردة معاك سهل يختلق الاعذار ويسيبك .. ومش بعيد تطلع انت العميل  والشعب الله يعينه .. فجأه لقي نفسي بيتفرج علي ماتش كورة .. والشوطة الحلوة المحبكة درامياً يصفق لها .. وقانون السلطة في ايد مين هو اللي بيحكّم وبيحكم علي اللعبة .. مين اللي معاه ادوات التغييب وغسيل العقول والضحك علي الدقون ..  والاعلام اللي النهاردة معاك بكره يلف ويلعب مع غيرك .. والكاتب اللي بتحب تقرآله بكره تكشر وتقول ايه اللي حصلّه ..  حتي المذيع ابن الناس الطيبين ...

بلغوا عنى ولو آيه بقلم سما كمال

الحلقة الثانية من سلسلة “قدّر ذاتك حبّ حياتك” بقلم سما كمال

قدّر ذاتك .. حب حياتك بقلم سما كمال

Practice no 10 : تدريب  21×14: ا لنهادرة جيبالكم تدريب مختلف .. مش تبع تدريبات الكاتبة رواندا بايرن .. ولكنه للددكتور صلاح الراشد .. اسمه  …21×14 … اكيد اغلبكم سمعتم عنه :) التدريب ده اثبت فاعليته وانا عن نفسي مجرباه الحمدلله  .. وكتير جربوه وبفضل الله وجدوا نتائج بس المهم تتبعوا الخطوات بالضبط واللي يقع منه يوم حيعيده من الاول تاني :) وفكرة التمرين عشان نفهم انه مش خزعبلات ولا سحر وشعوذه .. ولكنه مبني علي اسس البرمجة اللغوية العصبية .. وفكرته معتمدة علي برمجة العقل الباطن عن طريق حاجتين التكرار والكثافة الحسية  والكثافة الحسية هي شعور قوي جدا عالي ومفاجئ يحقن به العقل الباطن بسرعة فيعيد برمجته بالاشياء التي ترغب فيها ومع التكرار ينطلق ماترغبه الي الكون جاذباً لك ماتريده بإذن الله  لان زي ماشرحتلكم قبل كده ان العقل الباطن هو سبب في تعطيل وعرقلة خيرات ونعم كتيرة ممكن تصل إلينا او نحققها .. نتيجه الافكار اللي مبنيه جواه منذ نعومة اظافرنا فهي التي تفقدنا هذه الوفرة والنعم اللي حوالينا .. وسر التمرين ده اشمعني 21×14 احب اشاركم فيها من تفسير...

مساء الخير عليكم يااحلي صحبه ..   يالا الهمّة في تاني ارسال للنيّة الجماعية .. كله ينده ع اهله وحبايبه واصحابه وجيرانه وجيران جيرانه ... مسلمة المرادي اقترحت لمين حنرسلها  المرادي حنرسل النيّة للغالية .. حبيبتنا كلنا ام الدنيا .. ارض الامن والامان ع طول الزمان ان شاء الله .. بكره حتنكشف الغمّة وحينصلح الحال بإذن الله  النيّة المرادي ل حبيبتي مصر  نظراً لما تمر به البلاد من احوال غير مستقرة واراء واقوال حول يوم ٢٨ نوفمبر .. ان شاء الله حنرسل النيّة المرادي لبلدنا باهلها ونيلها وشمسها وارضها وزرعها .…  وان شاء الله تكون ساعة استجابة وتجلّي لنوايانا ويمر هذا اليوم وكل الايام يارب علي خير وآمن وآمان ..  النيّة مش حتكون خاصة بفكر معين ولا اتجاه معين .. نيّة بالصلاح والتيسير والامن والامان لبلدنا واهلنا .. ياريت نشيل من قلوبنا اي ضغائن او موالية لاي نظام .. طهروا قلبوكم من اي اتجاهات ..  اختلفنا او اتفقنا ف الاول والاخر نتمني الاستقرار والامن واصلاح الحال ..  ارجوا التركيز .. النيّة هنا غير موجّة سياسياً لاي تيار .. وممن...

من اين ابدء رحلة التغيير: ده كان سؤال كتير من اصدقائي وحبيت انزله ف بوست مستقل حتي تعم الفائده. رحله التغير شيقة وممتعة لانك حتحسي يوم عن يوم انك افضل واقرب لله وللحياة السليمة وتحقيق امالك واحلامك .. تعالوا نوضحهم ف نقط بسيطة سبق واتكلمنا عن كل نقطة بالتفصيل الممل  ١- نقطه البدايه هي الرضا والامتنان لما انت عليه الان مهما كان نقصك حاجات .. مهما حاسه انك مقصره .. حبي نفسك كما هي وانطلقي وانتي ممتنه وعندك حسن ظن بالله بآن الاتي افضل وان شاءالله حتقدري تغيريه مش بقوتك ولكن بق وه الله تعالي ٢- الاقرار والاعتراف ان عقلك الباطن وافكاره التي تبرمج بها منذ زمن هي وراء كل مشاكلنا وانك حتنوي نيّه خالصه صادقه لله عز وجل والنيّة طبعا محلها القلب بانك حتتغلبي عليه وحتبقي اقوي منه وحتعيدي زرع الافكار الايجابيه .. حتمسكي الدريكسيون بإيدك انتي لانك تستحقي حياة افضل ... استحضري كل الطاقات الايجابيه وعقلك الواعي وروحانياتك وانتي بتنوي وبتدعي ربنا عز وجل وسبق وشرحتها ٣- انتي نفحه من روح الله عز وجل .. يعني تقدّري ذاتك وقدراتك وثقتك بنفسك وعمرك ماتقللي من شآنك ولا تسمحي لحد ان يقلل م...

كل كلامي اللي فات بينحصر ف مشكله اساسية وهي برمجه عقلنا الباطن بملايين من الافكار السلبيه والمشاعر السيئه اللي بتسيطر علينا من غير وعي ولا تحكم منا والملخص هو “ماانت عليه الان هو نتيجه كل افكارك” وكلامنا لا هو سحر ولا شعوذه ولا بنتبع دين جديد  قال تعالي :”قل هو من عند انفسكم” والقدر موكل بالمنطق .. يعني انت جذبت لحياتك كل ماهو موجود بحياتك وكل شغلي معاكم بجمعه من القرآن والسنة مش بس قوانين علمانيه ولا عقده خواجه  وكل اللي بنعمله هو ازاي نهذب افكارنا ونعيد برمجه عقلنا الباطن ونهيآ نفسنا للجذب الصح تمسك دريكسيونك بنفسك وانت اللي توجه مش حد تاني يوجهك ويجذبلك اللي هو العقل الباطن ولما استشهدت بالحديث انما الاعمال بالنيات وانما لكل امرئ مانوي .. عشان اؤكدلكم كل الكلام اللي فات .. وان النيّة عباره عن فكره تجلّت … يعني اصبحت حقيقه بين ايديكم .. زي مابنقول كده دعوه ارسلت ف ساعه تجلّي .. والتجلّي هنا مني وانا برسلها .. كانت صادقه وخاليه من الشكوك والافكار السلبيه .. كانت بإستسلام لقوه الخالق عز وجل وقدرته علي تجلّيها حقيقة اذن كله معتمد ع الفكره والافكار .. وكل ماك...

مساااااءكم سكر  حان الآن موعد تجديد النيّة  ونقول من تاني كل نيّة كانت ف البداية فكره .. فالنيّة هي باور تجلّي هذه الفكرة .. والتجلّي بداية الجذب … فآنت تجذب ماانت عليّة .. انت نتيجه افكارك … سواء كنت واعي لها او غير واعي .. وستبقي امنياتنا مجرد احلام ان لم تصدقوا النيّة فالنيّة لاتكون قوية إلا عندما تكون صادقة .. وبقوة وصدق النيّة يبدء العمل .. مش عاجبك اللي انت فيه .. اصدق الله يصدقك .. ظبت نيتك .. يالا تعالوا نجددها من تاني .. حان الان موعد تجديد النوايا  حنتفق كل واحد يحدد نوايا صغيره الاجل .. حاجات كده تتحقق بسرعه ان شاء الله .. عشان لما تلاقي النتيجه بين ايديك تقوم تقوي رغبتك واصرارك ع الاستمرار  عارفين خطواط ارسال النيّة .. حقولها تاني : ١-اختيار مكان هادئ صبح او ليل .. منزل او بالخارج .. وان كنت انا بفضل بالليل بعد الاولاد مايناموا .. وحنصلي ركعتين بنيه التوفيق والهدوء والاسترخاء وانت مدرك ومتيقن من صدق نيتك وصدق تحققها مش بقوتك انت ولكن بقوه الله عز وجل وحسن ظنك بالله تعالي ٢-بعد الصلاه حنعمل تدريبات التنفس ٣-حتكون واعي للحظة ومفيش اي تشتيت من ج...

كن انيق اللسان .. كما انت انيق المظهر  Be stylish tongue .. as you're stylish  appearance ابسط الاشياء واغلاها واثمنها هي الكلمة الطيبة والوجه الطلق ..  قال رسول الله صلي الله عليه وسلم : “اتقوا النار ولو بشق تمرة ٫ فإن لم تجدوا فبكلمة طيبة” “لا تحقرن من المعروف شيئاً ولو ان تلقي اخاك بوجه طلق” "تبسمك في وجه اخيك صدقه" فالابتسامة هي لغة الانسانيه .. والكلمه الطيبه هي حديث الروح .. فليس هناك اجمل من ان نلقي الاخرين ونترك ف قلوبهم حديثٌ لن ينسي .. او لغة تترك علامة طيبة لما يحصل حوار عقيم بينك وبين صديقتك مش لازم تتمسكي برآيك وتخسريها .. بل ابتسمي واتركي كلمه طيبة وانسحبي .. ستجدين الامور هانت وصغرت والموقف انتهي .. علّميها فن التحاور مش لازم تآثر عليكي بآسلوبها لما توصلك اخبار تضايقك من اي شخص اخر عنك .. بلاش تسئ النيّة وتخسري طاقتك ومعنوياتك وانتي مش متآكده من آصل الحوار بدء ازاي  .. ربما كانت في حالة نفسية سيئة .. وندمت بعد ذلك عما حدث .. بلاش تغضبي وتبوحي بآسرار ائتمنتك عليها … او تقولي كلمة تندمي عليها … بل ابتسمي وب...