Live with Passion

وليكن اليوم يوم الاستسلااااام :) تمرين بسيط وسهل ممتنع .. تمرين الاستسلام :) يوم واحد فقط حتستسلمي لكل شئ حواليكي .. حتقولي حاضر لكل حاجة تجيلك .. رسالة كونية .. رسالة مادية .. معنوية .. نداء من زوجك .. اولادك .. اصدقائك ..  حتقولي حاضر .. وحتسمعي بدون معارضه ولا نقاش .. من غير دوشة قولي اوكيه :) اي حد يقولك رأي وانتي معترضه عليه .. اي شخص يريد محادثتك وانتي مش بتحبي حديثه .. فقط استسلمي لاي حاجة حواليكي النهاردة :) دون مقاطعة … او اعتراض .. او حتي تفكير عميق .. طيب .. حاضر .. ماشي .. جربوا ولن تندموا :) ممكن يمر ادامك مشكلة وممكن حد يقترح ادامك حل بسيط للموقف فقط وافقي .. فقط استسلمي للحل ده النهاردة .. النهاردة بس استسلمي :) تمرين عايز شجاعة .. اسلبي منك اي طاقة عكسية .. فقط قولي حاضر .. طيب .. ماشي .. اوكية .. بأي لغة سواء صامتة او بكلمات .. فقط جربي :) انا جربته قبل ما اقترحه عليكم وعدى عليّه يوم كان جميييل مش بس ليّه .. لكل اللي حواليه .. إيجابياته اكتر من سلبياته .. بيكفي احساس التحرر والهدوء والسلام النفسي اللي حتحسيه .. وحقولكم حسيت بإيه: ١-حسيت ان فيه ف

صباحكم سكر ياأصحابي   التدريب الخامس عشر .. Practice no 15 حدد مكانك .. أين أنت الآن .. تقييمك لسنة عدت : Evaluation yourself النهاردة جيبالكم تدريب جميل جداً، الغرض منه انك تحددي “أين أنتي الآن”، إعادة تقييم لسنة فاتت من عمرنا،  من خلال خمس جوانب بيغطوا حياتنا كلها، بهدف الوصول لحقيقة الأمر ومواجهة نفسنا، هل إحنا ماشيين صح، ولا فيه تقصير، عشان نلحق ماتبقي من عمرنا، ونبدء السنة الجديدة وإحنا مدركين ده كويس، ونتعلم ونعوض  صورتلكم صورة من كشكولي عشان تعرفوا الأمر جد مش هزار والتغيير مش بالكلام  ودلوقتي المطلوب من حضرتك تحضري ورقة وقلم، وتقسمي الورقة زي صورتي كده، خمس صفوف للخمس جوانب كالأتي: ١-الجانب الروحي، ٢- الجانب الصحي، ٣- الجانب العقلي، ٤- الجانب الإجتماعي، ٥-الجانب المادي (شغلك) اولاً الجانب الروحي: بكل وضوح وصراحة في خلال السنة اللي فاتت، إيه أخبار علاقتك مع ربنا سبحانه وتعالي، صلاتك، عبادتك، اعمال خيريه قمتي بيها، صدقة، قرآن، سامحتي وعفوتي، كظمتي الغيظ كام مرة، أخدتي بالك من النية في يومك وحياتك، أخبار لسانك إيه؟؟؟ حضرتك حتركزي كده وتفك

يامساااااااء الخيرات والسكر النبات   معلش الايام ده الدنيا زحمة شوية بس بكرة ان شاء الله افضي ونكمل موضوعنا الشيق  وبدل ماادخل بإيدي فاضية جهزتلكم التدريب ده وهو نوع من التوكيدات الايجابية للي عنده مهمة معينة وانا الحقيقة منزلاه لغرض معين للي عندهم بكره تحدي  التدريب ده مخصوص للي عندهم برزنتيش بكره أو اي تحدي قريب والسلام  حنشحن عقلنا الباطن عشان نقضي علي اي قلق او مخاوف او رهبة … كلنا زي الفل بس لان الموضوع قد يكون جديد شويه حنحس اننا مخضوضين وعشان كده التدريب ده لتقويه الثقه بالنفس ان شاء الله: ١- الجلوس في مكان مريح وضهرك مستقيم وابدءي بأي ورد قرآني بيخلي قلبك هادي او ادعية او ماشابه او ميوزك هادية حواليكي بس حنوقفها بمجرد الدخول ف حاله الهدوء. ٢-تنفس عده مرات كما وضحتها من قبل وهو التنفس ببطء اخذ شهيق من الانف وطرده بالفم ببطء. ٣-ريلاكس جسمك وعقلك من اي مشاكل او دوشه او افكار ومخاوف وكدهووون يعني حنحاول نعيش في اللحظة وده حاله ممكن ندخلها بآنك تركزي علي كل حاجه حواليكي وتكوني واعية لها. ٤-حنختار اي توكيدات ايجابية مناسبة للموضوع او الحالة اللي انتي بتعملي

صبااااحو فل .. امبارح كان فري لاسباب فنيه واكيد كله كان نايم .. نصحصح بأه باقي من الزمن القليل   النهارده جايبالكم تدريب مهم قال عليه الكاتب لانه احد الاسباب الأساسية للجوع الكاذب " الشهيه العصبيه ": يقول الكاتب بول ماكينا: بغض النظر عن مظهر الجوع الكاذب او الشهية العصبية … الا ان السبب الاساسي وراء هذا النوع الجوع يعود الى شيء واحد فقط .. يعود الى السر الذي يحمله بعض الاشخاص في قلوبهم طوال حياتهم : " النفور والتقزز من الذات ... الشعور بالاحباط .. الاحساس بالبؤس وقله الحيله ... الاحساس بعدم الاهميه ... الاحساس بانه غير محبوب او مقبول من الاخرين " العلاقه بين الجسد والعقل لا تنفصم ... فلأفكارنا تاثير مباشر بصحتنا واجسادنا .. بل ان بأمكاننا ان نغير من تفكيرنا واحاسيسنا ... وبالتالي نحسن من صحتنا . يقول بول ماكينا .. “انت اقسى النقاد عليك”: ...: " انني استغرب الطريقه التي يسيء بها الناس الى انفسهم ... فعندما يستيقظوا في الصباح .. وينظروا لانفسهم في المرآه ويرددوا: " ياللوجه السمين … والاذرع المكوره .. والمؤخر

وبعد ما انتهينا من الكتاب وسره ووضحتلكم كل نقطة بالتفصيل … واللي وقع منه حاجه ياريت يروح يذاكر قبل  مايكمل قرايه  ووصلنا ان نظام بول ماكينا مش نظام دايت ولا رجيم .. ووصلنا للسر اللي يخليكي تعيشي نحيفة او توصلي لوزنك المثالي واللي احب استرجعه معاكم :“1- كلّي عندما تجوعي ..  2- كلّي ماتريدين وليس ماينبغي عليك آكله ..  3- كوني واعيه لما تأكلي وتلذذي بكل لقمة في فمك .. 4- عندما تحسي بالشبع توقفي وطبعاً فهمنا كويس معني الكلام بالتفصيل دلوقتي جه ميعاد الكلام الجد ،،، بعد كام يوم حتنتهي السنة وحنبدء ع ميه بيضا نظام حياتي ان شاء الله يكون فاتحه خير علينا كلنا النظام المرة دة مش نظام اليويو المعتادين عليه من قبل .. انزل وافرح واطلع واحزن المرة ده معتمد علي حاجتين .. المادة والطاقة .. واحدة واحدة نشوف مع بعض يعنى ايه مادة ويعنى ايه طاقة  الجزء الاول : الطـــــــــــــــــــــــ ــــاقــــــــــــــة: جانب الطاقة بيعتمد علي برمجة اخرى لأقوي جهاز إيحائي له قوة السحر .. عنده من الذكاء الفطري مالا يعد ولا يحصي .. حنشركه بحاجات كتيرة مش جديدة عليكم وسبق لينا اتعلمناها

القاعدة الرابعة: توقف عندما تحس بالشبع .. Stop When you’re Full يقول الله عز وجلّ : “يَا بَنِي آدَمَ خُذُوا زِينَتَكُمْ عِنْدَ كُلِّ مَسْجِدٍ وَكُلُوا وَاشْرَبُوا وَلا تُسْرِفُوا إِنَّهُ لا يُحِبُّ الْمُسْرِفِينَ” وقال رَسُولَ اللَّهِ ﷺ : “مَا مَلَأَ آدَمِيٌّ وِعَاءً شَرًّا مِنْ بَطْنٍ بِحَسْبِ ابْنِ آدَمَ أُكُلَاتٌ يُقِمْنَ صُلْبَهُ فَإِنْ كَانَ لَا مَحَالَةَ فَثُلُثٌ لِطَعَامِهِ وَثُلُثٌ لِشَرَابِهِ وَثُلُثٌ لِنَفَسِهِ “ ويقول أحد المفسرين إن استعمل الناس هذه الكلمات لسلموا من الأمراض والأسقام، ولتعطلت دكاكين الصيادلة وذلك لأن أصل كل داء التخمة. إذن هناك بديهات ربانية من الكتاب والسنّة الله عز وجل صمم أجسامنا عليها وبها تتزن الصحة .. فقد صُمم الجسم البشرى وبكل بساطة انه عندما يجوع يأكل .. وعندما يشبع يرسل إشارات بالتوقف  لكن طبعاً إحنا بناخد نص الآية ونطلع نجري .. نجوع نجري بسرعة على الأكل .. لكن نسمع نداء الشبع .. إنسي ياعمرو وللأسف هناك برمجة خاطئة تبرمجنا عليها منذ الولادة .. أول ما البيبي يقول وااااء .. على طوول ندخل عليه بالرضعة … وأول مايبدء يشد حيله شوية .. ندخلة بكل ما

القاعدة الذهبية الثالثة:: تذوقي طعم كل لقمة تأكلينها .. Enjoy every mothful  يقول ابن ماكيننا  “يعاني ذوي الاوزان الزائده من سيطره الاكل على تفكيرهم … فهم باستمرار يريدون ان يأكلوا .. باستمرار يفكرون في الطعام … باستثناء وقت واحد فقط … وقت تناولهم للطعام…!!" ياترى صح الكلام ده ولا افتراااا  نفضل نفكر ونفكر وأول مانشوفه فيس تو فيس وتبدء عملية الهجوووم .. وبعد كل هذا التفكير والإنتظار لايعيه أدني اهتمام .. فقط يبتلع أكبر قدر منه دون تذوق. دون أن يسمع لصوت بطنه وهي تستغيث .. حررررررام .. كفااااااااية  بالذمة كام واحدة منكم بتعمل كده  ينزل بقي الأكل نص هضم أو مش مهضوم من الأصل هو وحظه بقي .. وطبعاً الاحساس بالشبع بيتوه مننا .. لحد بعد انتهاء السباق .. نفوق وندرك ان كفاية بقي كده .. او مندركش اصلاً  وبعد كل ده ياريت بنكون مبسوطين .. بالعكس بندخل ف مود اكتئاب وزهق .. والميزان مابيكدبش  يقول الكاتب: “ الامور الفطرية التي نمارسها مثل تناول الطعام او التنفس تحث الدماغ على افراز مادة كيميائية تحث على الاحساس بالسعادة ...تسمى السيروتنين … ورغم احساسهم بالرضا بعد تناول كل وجبة الا ان ه